លោកជំទាវប៊ុន រ៉ានី ហ៊ុន សែន អញ្ជើញសម្ពោធដាក់ឱ្យប្រើប្រាស់នូវអគារកាកបាទក្រហមពោធិ៍សាត់
លោកជំទាវបណ្ឌិត ប៊ុន រ៉ានី ហ៊ុន សែន ប្រធានកាកបាទក្រហមកម្ពុជា បានដឹកនាំប្រតិភូកាកបាទក្រហមជាច្រើនរូប ព្រមទាំងលោកជំទាវនៃ
ថ្នាក់ដឹកនាំរដ្ឋាភិបាលមួយចំនួនផង អញ្ជើញជាអធិបតីសម្ពោធដាក់ឱ្យប្រើប្រាស់នូវអគារសាខាកាកបាទក្រហម ខេត្ដពោធិ៍សាត់ ១ខ្នង កំពស់២ជាន់
លើទំហំពី៦.២៦៤ម៉ែត្រការ៉េ ចំណាយថវិកា ១៣១.៨០០ដុល្លារ ដែលទើបស្ថាបនារួចថ្មីសន្លាង ។
លោកជំទាវបណ្ឌិត ប៊ុន រ៉ានី ហ៊ុន សែន បានមានប្រសាសន៍ថា នេះជាលើកដំបូងហើយដែលខេត្ដពោធិ៍សាត់ មានអគារសាខាកាកបាទក្រហមកម្ពុជា
ប្រកបដោយស្ដង់ដា ដើម្បីបំរើការងារផ្នែកមនុស្សធម៌ចូលរួមយ៉ាងសកម្មជាមួយរាជរដ្ឋាភិបាលក្នុងការសង្គ្រោះប្រជាពលរដ្ឋក្រីក្រនៅតាមមូលដ្ឋានជា
ពិសេសជនដែលងាយរងគ្រោះ។ សមិទ្ធផលថ្មីសន្លាងនេះគឺបានមកពីការរួមដៃគ្នា របស់សប្បុរសជនជិតឆ្ងាយទាំងឡាយ ជាពិសេសលោកឧកញ៉ា
ទុយ គី និងលោកជំទាវ ដែលបានចំណាយថវិកាផ្ទាល់ក្នុងការសាងសង់នេះ ។
ក្នុងឱកាសនេះដែរ សប្បុរសជនជិត-ឆ្ងាយជាច្រើនរូប ទាំងនៅតាមបណ្ដាខេត្ដ និង រាជធានីភ្នំពេញ បានឧបត្ថម្ភប្រាក់ជាវិភាគទានផ្ដល់ជូន
កាកបាទក្រហមពោធិ៍សាត់ សរុប៣០ម៉ឺនដុល្លារ សំរាប់ប្រើប្រាស់ក្នុងការងារមនុស្សធម៌ ។ ព័ត៌មានលំអិតនឹងផ្សាយជូននៅពេលក្រោយ។